Канадада ҳар йили август ойининг биринчи душанбасида нишонланадиган Фуқаролик байрамининг (Фуқаролик куни байрами) мақсади “инқилобий” асосга эга эмас - мақсад айнан “ишламаслик”.

Канадаликларга ёзнинг ўрталарида узоқ дам олиш кунлари керак деган фикр узоқ вақтдан бери келади: 1869 йил Торонто шаҳридаги ҳужжатда яна бир ёзги дам олиш куни, «day of recreation»  яъни “дам олиш куни” зарурлиги қайд этилган. 1871-йилда эса инглизлар палатаси август ойининг бошида бутун Британия империяси учун “банк байрами” деб номланган дам олиш кунини белгилади. Шу билан бирга, машҳур инглиз банкири, сиёсатчиси, биологи ва археологи сэр (Жон Луббок) Жон Луббокнинг айтишича, у Торонто шаҳрига "Канададаги қўшимча август таътилини оқилона ва қониқарли деб ҳисоблашини" айтган.

Эҳтимол, Жон Луббокнинг нуфузли баёнотидан кейин Торонто шаҳри август ойининг биринчи душанбасини 1875 йилда Фуқаролик байрами сифатида тасдиқлаган.

Ҳозирда бу кун Канадада вилоят ва шаҳар байрамлари учун ажратилган. Унинг номлари вилоятдан вилоятга фарқ қилади, аммо бу вилоятларнинг аҳолиси бугунги кунда ишламаслиги ўзгармасдир. Ва бу байрам турли вилоят ва шаҳарларда қандай номланишидан қатъи назар, канадаликлар уни ҳар доим ўзлари истаганларидек ўтказишади: улар дам олишади, саёҳат қилишади, фестивалларда чин юракдан завқланишади.