Расулов Ҳасан Ғофурович (1913.15.03, Қизил Ўрда шаҳар, Қозоғистон - 1992.22.03, Тошкент) - файласуф олим. Ўзбекистонда хизмат кўрсатган фан арбоби (1973), проф (1965). Тошкент кечки пед. институтида ўқитувчи (1933 йилдан), Тошкент қ.х. институти фалсафа кафедрасининг мудири (1948-1967). 1968 йилдан ТошДУ ҳузуридаги,  ижтимоий фанлар ўқитувчилари малакасини ошириш институти фалсафа кафедраси мудири. Илмий ишлари ахлоқ, фалсафа фанларини ўқитиш методикаси масалаларига бағишланган. Тошкентдаги кўчалардан бирига унинг номи қўйилган.