Iltimos, kuting…
Муқумий номидаги Ўзбек давлат мусиқали драма театри ўз фаолиятини бошлаган кун
1939-11-30
Муқумий Театри, Муқумий номидаги Ўзбек давлат мусиқали драма театри-Ўзбекистоннинг йирик театрларидан бири. 1939 йил 30 ноябрда комик актёр
М.Мирокилов ташаббуси билан Республика комедия ва сатира теарт сифатида
ташкил этилиб, фаолиятни "Бурунги қозилар ёки Майсаранинг иши" (Ҳамза)
спектакли (режессёр М.Мирокилов) билан бошлаган. Ижодий гуруҳ 45 кишидан
иборат бўлиб, М.Мирокилов-бадиий раxбар, Ф.Умаров, Б.Xўжайев,
А.Бакиров, М.Ёкубова, М.Xолмуxамедов, А.Болтайев, О.Фаёзова, А.Юсупов,
У.Абдуллайев, М.Ғофуров, М.Миртолипов, З.Шерматова сингари актёрлар
ташкил этди. 1940 йил театр мусиқали драма ва комедия театри номи билан
қайта ташкил бўлди. Т. Жалилов-бадиий раxбар, А.Азимов-бош режежссой
этиб тайинланди. 1972 йилдан театр Ўзбек давлат мусиқий театрига
айлантирилди. 80-йиллар
оxири-90-йилларнинг бошларида театр репертуарини кўпрок эртак ва
афсоналар эгаллади. "Гул ва Наврўз", 'Юсуф ва Зулайxо", "Туяқуш ва
бояқиш", "Шайтон ва муридлар" кабилар шулар жумласидан. 1993-1994 йиллар
театр репертуари "Бир кам дунё" (Т.Юнус, А.Юнус), "Тўйлар муборак"
(Ў.Xошимов, О.Муxтор; М.Маxмудов), "Тошкентга саёҳат" (Б.Дарвеш;
Н.Xалилов) ва бошқа мусиқали комедиялар билан бойиди.
