Рушана Султонова Рамиловна 1965 йил 27 ноябрда Бухоро вилояти Газли шаҳрида туғилган. Раққоса, Балетмейстер. Ўзбекистон халқ артисти (1998). 1979-1984йиллар хреография билим юртида ўқиган. Тошкент давлат маданият институтини тугатган (1991). 1984-1994 йиллар Навоий театрида, 1994-1998 йиллар “Баҳор” ансамблида, 1998-99 йиллар “Етти гўзал” ансамблида, 2000 йилдан “Ўзбекрақс”да етакчи раққоса. Шунингдек, 2002 йил ўзи ташкил этган (Ш.Воҳидов билан биргаликда) “Эй санам” ансамблида фаолият кўрсатмоқда.Султонова рақслари табиий талқини, мусиқавийлиги, оҳанга мос хиром этиши, юқори рақс маданияти билан ажралиб туради. Султонова барча вилоятлар бўйича фольклор рақсларни ижро этган. “Доира чорлайди”, Бухороча”, “Қизбола”, “Хоразм рақсинингтуғилиши”, “Баҳор айёми”, “Ноз-ноз”, “Бону-бону”, “Сарвиноз”, “Оразибон лазгиси”, “Танавор 2”, “Гулсанам”, “Учрашув”, шунингдек, тожикча, афғонча, лўлилар рақси ва бошқа кўпгина халқларнинг рақсларини ижрочиси сифатида танилган. Султонова ҳақида “Рушана Султонова рақсга тушади” фильмлари (1986, телефильм, режиссёр Ш.Хўжаев;режиссёр Даврон Салимов) ишланган.